Олон Улсын Атомын Энергийн Агентлаг /ОУАЭА/-ийн Цацраг, тээвэрлэлт, хаягдлын аюулгүй байдлын газрын Хаягдал, байгаль орчны хэлтсийн шинжээчээр ахлуулсан баг 2025 оны 07 дугаар сарын 28-ны өдрөөс 08 дугаар сарын 01-ний өдрүүдэд Монгол улсад ажиллалаа. “ОУАЭА” – ийн шинжээчид Монгол улсад ажиллах хугацаанд “Бадрах энержи ХХК-ийн төслийн талбай дээр ажиллаж нөхцөл байдалтай танилцан, цацрагийн хамгаалалт, аюулгүй байдлын ажиллагаа, байгаль орчин, мал амьтны эрүүл мэндэд нөлөөлөл зэрэг сэдвийн хүрээнд үнэлгээ хийлээ. Уг үйл ажиллагаанд “Геологийн судалгаа шинжилгээний төв” ТӨҮГ-н захирал Б.Энхтөрөөр ахлуулсан ажлын хэсэг оролцон үйлдвэрийн газрын үйл ажиллагааг танилцуулж цаашид хамтран ажиллах үйл ажиллагааны чиглэлээр санал бодлоо солилцлоо.
