Геологийн судалгаа шинжилгээний төв ТӨҮГ-ийн Захирлын үүргийг түр орлон гүйцэтгэгч Б.Энхтөр болон байгууллагын төлөөлөл БНСУ-ын Тэжон хотноо байрлах Солонгосын гео шинжлэх ухаан, эрдэс баялгийн хүрээлэн /Кигам/-ийн албан ёсны урилгаар 2024 оны 11 дүгээр сарын 22-ноос 11 дүгээр сарын 27-ний өдрүүдэд тус байгууллагад зочилон тус байгууллагын үйл ажиллагаатай танилцан, уулзалт зохион байгуулж хамтран хэрэгжүүлж буй төслийн үйл явцыг танилцуулан, цаашдын хамтын ажиллагааны талаар санал бодлоо солилцлоо. 
Уг уулзалтад Солонгосын гео шинжлэх ухаан, эрдэс баялгийн хүрээлэнгийн ерөнхийлөгч И Пён Гү, төслийн зохицуулагч Жон Ху Сог нар оролцон хамтарсан төслийн үйл ажиллагаа амжилттай хэрэгжиж байгаад баяртай байгаагаа онцлон, цаашид геологийн судалгаа шинжилгээний салбарт хамтын ажиллагааг улам өргөжүүлэн хөгжүүлэх хүсэлтэй байгаагаа илэрхийлэв.
