Геологийн Судалгаа-Шинжилгээний Төв (ГСШТ)ТӨҮГ нь Бадрах Энержи ХХК-тай Шинжлэх ухааны хамтын ажиллагааны харилцан ойлголцлын санамж бичгийг 2023 оны 11 дүгээр сард 5 жилийн хугацаатайгаар байгуулсан билээ.
Энэхүү хамтын ажиллагааны хүрээнд Бадрах Энержи ХХК-ийн Гүйцэтгэх захирал хатагтай Корали Прин-ээр ахлуулсан төлөөлөгчид ГСШТ–д зочилж, байгууллагын үйл ажиллагаатай танилцан ажлын уулзалт хийв.
Уулзалтаар харилцан ойлголцлын санамж бичигт тусгагдсаны дагуу шинжлэх ухааны хамтын ажиллагааг хөгжүүлэх, цацраг идэвхт материалын зохицуулалтад хамаарах олон улсын шинжилгээ, аргачлал, шилдэг туршлагыг нэвтрүүлэх зэрэг ажлуудыг эрчимжүүлэх тал дээр харилцан санал солилцон, цаашдын хамтын ажиллагааг өргөжүүлэх боломжийн талаар хэлэлцлээ.
