Манай хамт олны амжилтын буухиа үргэлжилсээр

Засгийн газрын хэрэгжүүлэгч агентлаг – Усны газар, Монголын худалдаа аж үйлдвэрийн танхим, Монгол улсын их сургууль, “Монголын химийн хөгжлийн ассоциаци” ТББ, “Грийн химистри” ХХК-тай хамтран зохион байгуулсан “Water Chemistry-2025” усны хими, технологийн үндэсний онол, практикийн хурал, хэлэлцүүлэг 2025 оны 05-р сарын 09-ний өдөр болж өндөрлөлөө.

Тус хэлэлцүүлэгт Геологийн – Судалгаа Шинжилгээний Төв ТӨҮГ (ГСШТ)-ын Стандартчилсан загвар үйлдвэрлэлийн лабораторийн инженер Ж.Мөнхцоож “УСНЫ ШИНЖИЛГЭЭНИЙ ЛАБОРАТОРИ ХООРОНДЫН УР ЧАДВАРЫН СОРИЛТ” сэдэвт илтгэл танилцуулж тус илтгэл нь Хурлын шилдэг илтгэлийн “Сорилт, туршилт” төрөлд 1 дүгээр байр эзэллээ.

ГСШТ нь 2022 оноос эхлэн усны судалгаа шинжилгээ хийдэг лабораториудад зориулсан “CGL PT03” Усны Ур чадварын сорилт (УЧС)-ын хөтөлбөрийг ISO/IEC 17043 стандартын шаардлагын дагуу жил бүр ээлжит тойргоор зохион байгуулж байна. Энэхүү хөтөлбөрийн хүрээнд усны УЧС-ын дээж боловсруулах судалгаа, дээжийн нэгэн төрөл болон тогтвортой байдлын судалгаа, өгөгдлийн шинжилгээ, үр дүнгийн статистик боловсруулалт, үнэлгээ хийх арга аргачлалыг судалж, усны УЧС-ын хөтөлбөрийн 1, 2 дугаар тойргийн үр дүнгүүдийг танилцуулав. Энэхүү хөтөлбөрт усны судалгаа шинжилгээ хийдэг давхардсан тоогоор нийт 61 оролцогч лабораториуд хамрагдаж усны шинжилгээний ур чадвараа үнэлүүлээд байна.