Агаарын геофизик 2024 төсөл

Геологийн судалгаа шинжилгээний төв ТӨҮГ болон Икскалибур Авиашэйн Австрали ХХК нарын  хамтран хэрэгжүүлж буй Агаарын геофизик 2024 төслийн 2 дахь бүрэн тоноглогдсон онгоц монгол улсад газардлаа. Уг төсөл нь Агаарын геофизикийн судалгааны үр дүнд тайлал хийж, ашигт малтмалын хувьд сонирхол татах хэсгүүдийг ялган геологи-геофизикийн аргуудаар эрэл-шалгалтын ажлыг хийх зорилгоор хийгдэж байна.  Тоноглогдсон онгоцыг хүлээн авах төслийн багийн үйл ажиллагаанд Үндэсний геологийн албаны дарга Б.Мөнхтөр, Геологийн судалгаа шинжилгээний төв ТӨҮГ-н захирал Б.Энхтөр, Икскалибур Авиашэйн Австрали ХХК-н төслийн удирдагч Денис Коби нар оролцлоо.

Энэ төсөл хэрэгжиснээр /Бүс нутгийн хэмжээнд төрөл бүрийн ашигт малтмалын чиглэлээр эрлийн ажил гүйцэтгэх талбайнуудыг ач холбогдлоор нь ялган хэтийн төлөвийн үнэлгээ өгөх, гүнд байршилтай төрөл бүрийн ашигт малтмалын орд, гүний ус нээх үндэс суурийг тавьж өгнө/.  

Мөн агаарын нислэгийн тоон мэдээллийг бүс нутгийн бэлчээр-газар тариалангийн төлөвлөлт, хөрсний гулсалт болон газар хөдлөлийн судалгаанд ашиглах боломж бүрдэнэ.