Экспертиз шинжилгээ нь нарийвчлал үнэн зөв байдлыг хангаж чадахуйц, олон зэрэгцээ шинжилгээгээр лабораториудын шинжилгээний үр дүнг баталгаажуулдаг лавлагаа шинжилгээ юм.

Монгол Улсын Засгийн газрын 2013 оны 2-р сарын 2-ны өдрийн 44-р Тогтоолд “Оюу толгой” ХХК-ний баяжуулах үйлдвэрээс экспортонд гаргаж байгаа зэсийн баяжмалд хөндлөнгийн хяналт хийх лабораторийн шинжилгээг Геологийн Судалгаа Шинжилгээний Төв (ГСШТ) ТӨҮГ гүйцэтгэж байх шийдвэрийн дагуу зөвхөн “Оюу толгой” төслийн экспортонд гаргаж байгаа зэсийн баяжмалын багц бүрээс дээж авах, чийгшилтийг тодорхойлох, шинжилгээнд илгээх дээжүүдийг бэлтгэх, баяжмалд химийн задлан шинжилгээ хийх зэрэг ажлуудыг хийж эхэлснээр ГСШТ-д экспертиз шинжилгээний эхлэл тавигдсан.

Өнөөдөр ГСШТ нь Оюу толгойн зэсийн баяжмалаас гадна Гаалийн төв лабораторийн захиалгаар экспортод гаргаж байгаа зарим бүтээгдэхүүн, Эрдэнэт үйлдвэрийн зэс, молибдений баяжмалын гадаад хяналт зэрэг шинжилгээг гүйцэтгэж байна.